Nobel syilyǵynyń 120-dan astam laýreaty «Úlken jetilik» tobyna kirýshi elderdiń (G7) Ulybritaniiada ótetin aldaǵy sammitiniń aldynda arnaiy deklaratsiiaǵa qol qoiyp, onda memleket jáne úkimet basshylaryn klimattyń ózgerýimen kúreske kúsh salýǵa úndedi. Bul týraly DPA agenttigin habarlady.
«Álem biosferada qaitymsyz ózgeristerge ushyraýy múmkin», - dep atap ótilgen deklaratsiiada. Bul rette Nobel syilyǵy laýreattarynyń memleket jáne úkimet basshylaryn 2030 jylǵa qarai parnik gazdarynyń qaldyqtaryn eki ese qysqartý boiynsha sharalardy barynsha tezirek qoldanýǵa úndep otyrǵany atap ótiledi. «Qaitymsyz ózgeristerdiń aldyn alýǵa bolatyn ýaqyt ketip barady», - dep atap ótiledi qujatta.
Ulybritaniia G7 sammitin dástúrli formatta, 11-13 maýsym kúnderi aralyǵynda Kornýoll jartylai túbeginiń Karbis-Bei kýrorttyq qalashyǵynda ótkizýge nietti. G7 tobyna kirýshi elderdiń kóshbasshylarynan basqa, oǵan Eýroodaq Keńesiniń basshysy Sharl Mishel, Eýrokomissiia tóraiymy Ýrsýla fon der Liaien jáne biyl arnaiy shaqyrylǵan Avstraliia, Ońtústik Koreia jáne OAR basshylary, sondai-aq DSU jańa bas direktory Ngozi Okondjo-Iveale qatysady.
Birikken Koroldiktiń premer-ministri Boris Djonson buǵan deiin bul sharanyń negizinen klimattyń ózgerýi taqyrybyna arnalatynyn málimdegen bolatyn.
