Shymkent qalasynyń ákimdigi Ninety One tobynyń kontsertin ótkizbei tastady, - dep habarlaidy Tengrinews.kz agenttigi.
5 shildede Shymkentte ótýi kerek Ninety One tobynyń kontsertin Shymkent ákimdigi ótkizbei tastaǵan. Sol sebepti top jankúierleri Shymkent ákimi Murat Áitenovtiń áleýmettik jelidegi paraqshasyna túrli pikir jazyp, "shabýyl" jasaǵan.
Ninety One toby kontsert ótpeitini týraly aqparatty sharadan bir kún buryn áleýmettik jelide jariialady.
"Ninety One Tour 2022 aiasynda 5 shildede Shymkentte josparlanǵan kontsert bolmaidy. Ol keiinge shegerilýi múmkin. Kontserttiń bolmaý sebebi - Shymkent qalasy ákimdiginiń sharany ótkizýge ruqsat bermeýi", - dep jazdy Ninety One toby ókilderi resmi paraqshasynda.
Kontserttiń bolmaýy Ninety One tobynyń shymkenttik jankúierlerin ashýlandyrdy. Jankúierler Shymkent qalasy ákimdigi men ákiminiń Instagram-paraqshasyna shabýyl jasady. Top jankúierleri tipti jazbaǵa #netotmenykontserta91 degen arnaiy heshteg oilap tapqan.
"Ninety One kontsertine ruqsat berýdi suraimyz. Osy kontsertti bir aidan asa kúttik, keibireýleri kontsertke basqa qalalardan keldi", "Kontsert ótýi kerek", "Ninety One kontserti nege toqtatyldy? Túsindirińizder, naqty jaýap kútip otyrmyz. Bul qandai jaýapsyzdyq? Bárimiz bilet alyp qoiǵanbyz", - dep jankúierler jelide narazy boldy.
Tengrinews.kz tilshisi kontserttiń ótpeý sebebin bilý úshin qala ákimdigine habarlasqanymen, qala basshylyǵy jaǵdaiǵa qatysty pikir bildirýden bas tartty.
Eske salaiyq, mamyrdyń aiaǵynda Túrkistanda Ninety One tobynyń kontserti ótýi kerek edi. Alaida jergilikti turǵyndar toptyń Túrkistanda óner kórsetýine qarsy bolǵandyqtan, qala ákimdigi kontsertti toqtatty.
