Qazaqstandyq ánshi, Ninety One tobynyń solisi Azamat Ashmaqyn (ACE) The 100 Most Beautiful Faces (Eń ádemi 100 adam) baiqaýynyń nominanttar tizimine endi, - dep habarlaidy Tengrinews.kz.
Bul týraly uiymdastyrýshy TC Candler arnasynyń Instagram-daǵy paraqshasynda belgili boldy. Daýys berý naýqany bastaldy. Qoldanýshylar 2021 jyldyń eń ádemi 100 adamyn anyqtaý úshin laiyq dep tapqan juldyzdyń sýretine pikir jazyp, lúpil basyp jatyr.
ACE-ten bólek, bul tizimde tanymal ánshi Zein Malik, akter Tom Krýz, aktrisa Emma Ýotson, Victoria 's Secret "perishteleriniń" biri bolǵan Kendis Sveinpol jáne basqalary bar.
Eske salaiyq, buǵan deiin "2018 jyldyń eń ádemi 100 adamy" baiqaýynyń nominanttary qataryna qazaqstandyq model Aiia Shalqar da kirgen.
Odan buryn Dimash Qudaibergen erler arasynda "2017 jyldyń eń ádemi 100 adamy" tizimine engen edi. Youtube jelisindegi TC Candler arnasy Dimashty 76-orynǵa qoiǵan bolatyn.
