Nigeriianyń batysyndaǵy Kagara qalasynda qarýly top memlekettik kolledjge shabýyl jasap, júzdegen stýdent pen oqytýshylardy urlap áketken, dep habarlaidy Agence France-Presse (AFP) agenttigi.
«Qarýly top júzdegen stýdent pen oqytýshylardy alyp ketti. Birneshe stýdent pen bir qyzmetker qashyp úlgergen», deidi jergilikti sheneýnikterdiń biri.
Sondai-aq nigeriialyq Vanguard gazeti jergilikti bilik ókilderine silteme jasap shabýyl kezinde bir stýdent mert bolǵanyn jáne birnesheýi jaraqat alǵanyn habarlady. Sheneýniktiń sózinshe, stýdenttik forma kigen qarýly adamdar túngi 2-de jataqhanaǵa basyp kirgen. Urlanǵan adamdardyń naqty sany anyqtalyp jatyr.
