Búgin Nigeriia astanasy Abýdji qalasynyń áýejaiy mańynda barlaýshy ushaq apatqa ushyrap, 7 adam qaza tapty, dep habarlaidy BBC agenttigi.
«Ókinishke orai bortta bolǵan barlyq 7 áskeri qyzmetshi qaza tapty», - delingen Nigeriia áskeri-áýe kúshteriniń Twitter paraqshasynda jariialanǵan aqparatta.
Buǵan deiin, Nigerian Tribune gazeti alty adamnyń qaza tapqandyǵyn habarlaǵan bolatyn.
Nigeriia Áskeri-áýe kúshteriniń Beechcraft King Air 350i týrbinaly-vintti eki qozǵaltqyshty ushaǵy Abýdji halyqaralyq áýejaiynan ushyp shyqqan kezde apatqa ushyraǵan bolatyn. Ushaq Niger shtatyndaǵy Minna qalasyna bet alǵan edi. Nigeriia Aviatsiia ministri Hadi Siriktiń aitýynsha, ushaqtyń eki qozǵaltqyshynyń biri isten shyqqan.
Nigeriianyń Vanguard gazeti oqiǵa kýágerleriniń sózin keltiredi. Kýágerlerdiń aitýynsha, ushqysh ushaqty turǵyn úi alaptarynan buryp áketip, jazyq dalaǵa qulaǵan jáne tolyqtai janyp ketken.
