2021 jyly Aqparat jáne qoǵamdyq damý ministrliginiń tapsyrysy boiynsha tanymal balalar arnalarynyń mýltiplikatsiiasyn qazaq tiline aýdarý boiynsha aýqymdy jobany iske asyrý bastaldy, dep habarlaidy "Ult aqparat" ministrliktiń baspasóz qyzmetine silteme jasap.
Joba «Rýhani jańǵyrý» baǵdarlamasyn júzege asyrý jáne balalar kontentin memlekettik tilde damytý aiasynda júzege asýda. Balalar arasynda joǵary suranysqa ie TiJi jáne Nickelodeon telearnalarynyń aýdiojazbalaryn otandyq kabeldik televiziia boiynsha keminde 600 saǵat dýbliajdyq aýdarý jáne transliatsiialaý josparlanýda. Transliatsiia 2022 jyly bastalady dep josparlanýda.
Esterińizge sala keteiik, 2021 jylǵy 29 qyrkúiekte Aqparat jáne qoǵamdyq damý ministri Aida Balaeva men «Groupe M6» kompaniiasynyń telearnalar men radiostantsiialar qorjynyn halyqaralyq distribýtsiialaý jónindegi direktory Jan-Rene Okýtiýre (TiJi) ózara tiimdi qarym-qatynastardy nyǵaitý jáne odan ári jalǵastyrý nietin bildire otyryp, jan-jaqty yntymaqtastyq pen birlesken jobalardy iske asyrýǵa daiyndyǵyn bildirgen bolatyn.
Aita keteiik, 2020 jyly qazaqstandyq «Rýhani jańǵyrý» qoǵamdyq damý institýty Qazaqstandaǵy balalar telearnalary men Youtube-arnalarynyń kontentin tutyný boiynsha saýalnama júrgize otyryp, «Qazaqstandaǵy balalar teledidary» áleýmettik zertteýin júzege asyrǵan bolatyn. Saýalnamaǵa qatysqandardyń sany: balalary bar 1200 eresek adam, iaǵni respondentti qurady.
Máselen, Nur-Sultan, Almaty jáne Shymkent qalalarynan saýalnamaǵa qatysqan qazaqstandyqtar arasynda TiJi jáne Nickelodeon arnalary mektep jasyna deiingi jáne mektep jasyndaǵy balalardyń arasynda tanymaldyǵy atap ótildi.
Osyǵan bailanysty, belgili Nickelodeon, TiJi balalar telearnalarymen kelissózder bastalyp, 2021 jyly olardyń kontentin qazaq tiline aýdarý boiynsha ýaǵdalastyqqa qol jetkizildi.
Aita ketý kerek, balalar televiziialyq kontentin óndirýshilerdi tańdaý kezinde balalar telearnalarynyń osyndai jobalardy iske asyrýdaǵy tájiribesi men habar taratý tilderiniń sany da eskerildi. Máselen, «Nickelodeon» arnasynyń 70 elde 22 tilde, «TiJi» arnasynyń 20 elde 14 tilde habar taratý tájiribesi bar.
Joba memlekettik tildiń qoldanylý aiasyn keńeitý jáne óskeleń urpaq arasynda ana tilin qurmetteý deńgeiin arttyrý maqsatyndaǵy QR AQDM sharalarynyń biri boldy.
«Tildi ońai ári erkin meńgerý úshin balalarǵa arnalǵan qyzyqty, tartymdy, mazmundy filmderdi kórsetý mańyzdy», - dep atap ótti QR AQDM «Rýhani jańǵyrý» baǵdarlamasyn úilestirý departamentiniń direktory Ulyqbek Tnaliev.
