Kepilsiz tutynýshylyq nesiesiniń bir bóligi keshirilgender eshqandai «qara tizimge» alynbaidy. Keshirý aktsiiasy ýaqytpen shektelmegen. Bul týraly QR Ulttyq bank tóraǵasynyń orynbasary Oleg Smoliakov Ortalyq kommýnikatsiialar qyzmetinde ótken baspasóz konferentsiiasyn aitty, dep habarlaidy QazAqparat.
«Kepilsiz tutynýshylyq nesiesiniń bir bóligi keshirilgenderge qatysty «qara tizim» joq. Bul – memlekettik turǵyda qabyldanǵan bir rettik aktsiia. Onyń eshqandai negativti faktory joq. Sáikesinshe, nesiesi keshirilgen adamǵa da negativti áseri bolmaidy. Búgin onyń qaryzynyń keshirilýi keleshekte basqa nesie alýyna eshqandai kedergi keltirmeidi», - dedi Ulttyq bank ókili.
Eske salsaq, QR Prezidenti Qasym-Jomart Toqaev qazaqstandyqtardyń borysh júktemesin jeńildetý týraly Jarlyqqa qol qoiǵan bolatyn.
Búginge deiin borysh júktemesin jeńildetý boiynsha 507 myń qazaqstandyq anyqtalǵan.
