Qarjy naryǵyn retteý jáne damytý agenttigi Janbolat Mamai taratyp jatqan dáieksiz aqparatty joqqa shyǵardy, dep habarlaidy QazAqparat.
Qazirgi ýaqytta Janbolat Mamai áleýmettik jelilerde jáne messendjerlerde qaryzdardyń barlyq túrleri boiynsha «kredittik raqymshylyq» jariialanypty-mys degen dáieksiz aqparat taratýdy jalǵastyryp jatyr.
Qarjy naryǵyn retteý jáne damytý agenttigi J. Mamaidyń bul málimdemeleri dáieksiz ekendigin jáne óziniń jeke saiasi maqsattaryn iske asyrý úshin azamattardy adastyratynyn málimdeidi.
Agenttik qazirgi ýaqytta Qazaqstanda 2004-2009 jyldar aralyǵyndaǵy kezeńde teńgemen ipotekalyq qaryz, sondai-aq 2016 jylǵy 1 qańtarǵa deiin valiýtalyq ipotekalyq qaryz alǵan halyqtyń áleýmettik osal toptary sanatynan ipotekalyq qaryz alýshylarǵa kómek kórsetý úshin Ipotekalyq qaryzdardy qaita qarjylandyrý baǵdarlamasyn iske asyrý jalǵasyp jatqanyn habarlaidy.
Mundai qaryz alýshylarǵa qoldaýdy bankter olardyń qarjylyq jáne áleýmettik jaǵdaiyn jan-jaqty taldaý negizinde jeke tártippen kórsetýde , onyń nátijeleri boiynsha bankter qaryz alýshyǵa qajetti qoldaý kórsetý týraly sheshim qabyldaidy.
Sondyqtan kredittik raqymshylyqty júrgizý zańnamalyq túrde kózdelmegen , Agenttikte halyqtyń kreditter boiynsha bereshegin esepten shyǵarý boiynsha sheshim qabyldaý ókilettikteri joq.
Kreditter boiynsha merzimi ótken bereshegi bar azamattarǵa qoldaý kórsetý úshin aǵymdaǵy jylǵy qazannan bastap bereshekti retteýdiń biryńǵai tártibi engizilgenin habarlaimyz. Kreditter boiynsha merzimin ótkizý týyndaǵan jaǵdaida, qaryz alýshylar bankke nemese mikroqarjy uiymyna ótinishpen júginýi qajet, onda olardyń ótinishi qaralyp, problemalyq bereshekti qaita qurylymdaý talaptary usynylady.
Azamattar men buqaralyq aqparat quraldarynan dáieksiz málimetterge senbeýdi jáne resmi ári tekserilgen derekkózderinen ǵana alynǵan aqparatty basshylyqqa alýdy suraimyz.
Ipotekalyq qaryzdardy qaita qarjylandyrý baǵdarlamasynyń talaptary men nátijeleri týraly tolyǵyraq aqparatty agenttiktiń resmi saitynan alýǵa bolady.
