Foto: kp.ru
Nepalda ondaǵan adamnyń ómirin qiǵan ushaq apatynda Qazaqstanda turǵan áiel kóz jumdy. Ol júkti bolǵan, - dep habarlaidy Tengrinews.kz saity KTK telearnasyna silteme jasap.
"Komsomolskaia pravda" gazetiniń málimetinshe, 33 jastaǵy Resei azamaty Elena Bandýro trevel-bloger jáne SMM mamany bolǵan.
Bandýro sońǵy birneshe ai Qazaqstanda turyp, qashyqtan jumys istegen. Keide jumys babymen shet elderge shyqqan.
Apatqa deiin Bandýro týystaryna óziniń júktiligi týraly aitypty. Elena Nepalǵa jubaiy Maksimge bara jatqan. Al ushaqqa otyrmai turyp áleýmettik jelide sońǵy sýretin jariialaǵan.
Yeti Airlines áýekompaniiasynyń ATR 72 jolaýshylar ushaǵy jeksenbi tańerteń qulady. Lainer Katmandýdan Pokhara qalasyna ushyp bara jatqan. Alaida qonar sátte órt shyǵyp, ózen mańyna qulaǵan.
