Osydan 36 jyl buryn Qazaqstannan Germaniiaǵa qonys aýdarǵan nemis otbasy qazaq tilin áli kúnge deiin umytpaǵan, dep habarlaidy ult.kz.
Jelide taraǵan video kópshilikti tańǵaldyrdy. Olar qazaqsha erkin sóilep qana qoimai, qazaqy dástúr men estelikterdi de júrekterinde saqtap qalǵan.
Otbasy músheleri ózderiniń túp-tamyry Túrkistan oblysyndaǵy Maqtaaral, Alǵabas, Baiqadam jáne Myrzakentpen bailanysty ekenin aitady. Shetelde uzaq jyl tursa da, týǵan jerge degen saǵynyshtary men qazaq tiline degen qurmetteri joǵalmaǵan.
«Kúieý balalarymyz qazaq. Qazaqsha óleń de aitamyz», — deidi olar jyly júzben.
Kópshilik olardyń taza qazaqsha sóilegenine riza boldy. Tipti jeli qoldanýshylary «keibir Qazaqstanda turatyndardan jaqsy sóileidi» degen pikirlerin jazyp jatyr. Videodan onyń áieline «Tynysh tursai sen, men aitaiyn» dep urysqanyn kórýge bolady.
