Foto: depositphotos.com
Mádeniet jáne aqparat vitse-ministri Daniiar Qadyrov 150 myńnan asa daýys jinaǵan petitsiianyń nege kúshi bolmaitynyn túsindirdi, - dep habarlaidy Tengrinews.kz.
"Onlain petitsiia 2024 jyldyń sáýirinen bastap zańdy kúshine enedi, óitkeni zań qazanda qabyldandy. Qabyldanǵannan keiin 6 aidan soń kúshine enedi. Sáýirden bastap petitsiia berýge barlyq zańdy negiz bolady. Qazirgi ýaqytta bul zańmen rettelmegen jáne qarastyrylmaidy", - dedi Qadyrov Senat otyrysynda.
Onyń aitýynsha, 150 myń daýys jinaǵan turmystyq zorlyq-zombylyqqa qarsy petitsiianyń Qazaqstanda zańdy kúshi joq.
"Ár azamattyń daýysy óte mańyzdy ekenin túsinýimiz kerek. Adam "eOtinish" (azamattardyń memlekettik organdarǵa júginý platformasy – esk.) arqyly ótinish berýge quqyly. Sáýirde petitsiiaǵa arnalǵan platforma jumys istei bastaidy, sol kezde qazaqstandyqtar ózderiniń zańdy quqyqtaryn paidalana alady", - dep túiindedi sózin vitse-ministr.
