Aqparat jáne qoǵamdyq damý vitse-ministri Asqar Ýmarov «NEET» sanatyndaǵy jastarmen, ásirese óńirlik deńgeide ádisnamalyq qamtamasyz etý jáne jumys algoritmderin qalyptastyrý máselelerin talqylaý boiynsha keńes ótkizdi, dep habarlaidy "Ult aqparat".
Asqar Ýmarov «NEET» sanatyndaǵy jastar sanyn azaitý jónindegi qyzmet «Nur Otan» partiiasynyń sailaýaldy baǵdarlamasynyń jáne ony iske asyrý jónindegi Jol kartasynyń 71 — tarmaǵynda bekitilgen basym mindetteriniń biri ekenin atap ótti.
Aita keteiik, Aqparat jáne qoǵamdyq damý ministrligi «Jastar» ǵylymi-zertteý ortalyǵymen jáne jergilikti atqarýshy organdarmen birlesip «NEET» sanatyndaǵy jastarmen jumys mehanizmderin ázirleý boiynsha jumys júrgizýde.
Osylaisha, ishki qaita bólý esebinen jastar resýrstyq ortalyqtarynda ataýly jumys boiynsha arnaiy bólimder qurylady, jastardyń óńirlik bazasy qalyptasady jáne jańa biliktilik alýǵa, oqýdy jalǵastyrýǵa nemese jumysqa ornalasýǵa múmkindik beretin jas azamattardy áleýmettendirý baǵdarlamasy daiyndalady.
Budan basqa, memlekettik jastar saiasaty týraly zań jobasy sheńberinde «NEET sanatyndaǵy jastar» uǵymyn zańnamalyq túrde bekitý josparlanýda.
Keńeske QR Strategiialyq josparlaý jáne reformalar jónindegi agenttiginiń ulttyq statistika biýrosynyń, QR Eńbek jáne halyqty áleýmettik qorǵaý ministrliginiń, «Jastar» ǵylymi-zertteý ortalyǵynyń, «NEET» sanatyndaǵy jastarmen jumys jónindegi respýblikalyq jobalaý keńsesiniń jáne sarapshylar qaýymdastyǵynyń ókilderi qatysty.
Talqylaý qorytyndysy boiynsha atalmysh sanatty memlekettik qoldaý sharalarymen qamtamasyz maqsatynda «NEET» sanatyndaǵy jastardy esepteý ádistemesin ózektendirý máselesin taǵy da qosymsha qaraý týraly sheshim qabyldandy.
