Qazaqstannyń Tuńǵysh Prezidenti Nursultan Nazarbaevtyń qyzy Áliia Nazarbaeva Facebook-paraqshasynda eldegi tártipsizdikter týraly jazba jariialady, - dep habarlaidy Tengrinews.kz agenttigi.
Nazarbaeva Qazaqstandaǵy qaiǵyly oqiǵalar júregine batyp, ýaiymdatyp otyrǵanyn jazǵan.
"Qaza bolǵandar men zardap shekkenderge qalai qaiǵyryp otyrǵanymyzdy jetkizer sóz joq. Qaza bolǵandardyń otbasyna shyn júrekten kóńil aitamyn. Bul aýyr sabaq bárimiz úshin tarihymyzdaǵy sońǵy oqiǵa bolsyn. Beibit zamanda adamdar ólgeni durys emes. Meni qoldap jatqandaryńyzǵa raqmet. Jáne qazirgi ýaqytta ákeme moraldyq qoldaý bildirip jatqandaryńyz úshin alǵys aitamyn. Osy kúnderi ár óńir turǵyndarynan kóptegen habarlama kelip jatyr", - dep jazdy Áliia Nazarbaeva.
