Qazaqstannyń Tuńǵysh Prezidenti Nursultan Nazarbaev Japoniia Premer-Ministri Sindzo Abeniń shaqyrýymen imperator Narýhitonyń taqqa otyrý rásimine qatysty.
Imperatorlyq taq muragerin ulyqtaý rásimine 175-ten astam eldiń ókili keldi.
«Qazaqstannyń Tuńǵysh Prezidenti Japoniia imperatory Narýhitonyń taqqa otyrý resmi saltanatty sharasyna qatysty. Japon tarapy atalǵan sharaǵa orai tiisinshe dress-kod bekitken edi. Delegatsiia basshylaryn qosa alǵanda saltanatty sharanyń barlyq qatysýshylary «White Tie» dress-kody boiynsha kiinýi tiis bolatyn. Elbasy frakti birinshi ret kiip otyrǵan joq. Nursultan Nazarbaev barlyq ýaqytta mundai deńgeidegi sharalarda bekitilgen dress-kodty ustanady», - dep jazdy QR Tuńǵysh Prezidentiniń baspasóz hatshysy Aidos Úkibai Elbasynyń Instagram-daǵy paraqshasynda.
