Memleket basshysy Nursultan Nazarbaev Iýrii Pomerantsevke joǵary dárejeli erekshelik belgisi - "Qazaqstannyń Eńbek Eri" ataǵyn berdi, - dep habarlaidy "Ult aqparat" tilshisi Aqordaǵa silteme jasap.
"QAÝLY ETEMIN:
1. Qazaqstan Respýblikasynyń áleýmettik-gýmanitarlyq damýyndaǵy asa úzdik jetistikteri, belsendi qoǵamdyq qyzmeti, mádenietti damytýdaǵy airyqsha úlesi úshin "M.Lermontov atyndaǵy memlekettik akademiialyq orys drama teatry" RMQK artisi Iýrii Borisovich Pomerantsevke joǵary dárejeli erekshelik belgisi - "Qazaqstannyń Eńbek Eri" ataǵy berilsin.
2. Osy Jarlyq qol qoiylǵan kúninen bastap qoldanysqa engiziledi", - delingen qaýlyda.
11 aqpanda Iýrii Pomerantsev 95-ke keldi. Ol 1923 jyldyń 11 aqpanynda Kievte týǵan. 30-jyldary ákesi "Qaraǵandy shahta qurylysynda" jaýapty qyzmet atqaryp, otbasy Qaraǵandyda turyp kelgen. 1938 jyly ákesi atylyp, osydan keiin otbasy Máskeýge kóshken. Iýrii Pomerantsev - Ulty Otan soǵysy qatysýshysy. Jaraqat alyp, aiaqqan soń Almatyǵa kelip, osyndaǵy sheshesimen turyp kelgen. Akterlik karerasy Almatyda bastalǵan.
