Tashkentte Konfessiiaaralyq jáne órkenietaralyq dialogty damytý jónindegi N.Nazarbaev ortalyǵynyń basqarma tóraǵasy Bolat Sársenbaev pen Ózbekstan Ministrler Kabineti janyndaǵy Islam órkenieti ortalyǵynyń direktory Shoazim Minovarov ózara yntymaqtastyq týraly memorandýmǵa qol qoiyldy, dep habarlaidy "Ult aqparat".
«Memorandýmnyń maqsaty - órkenietaralyq jáne konfessiiaaralyq dialog salasyndaǵy ortaq jobalardy júzege asyrý, toleranttylyq pen kelisim qaǵidattaryn damytý. Taraptar dinaralyq dialogty damytýdaǵy ózara tájiribe almasý, sondai-aq eki memleket aýmaǵynda osy baǵyttaǵy kezdesýler, is-sharalar, forýmdar men sammitter uiymdastyrý máselesi boiynsha kelisimge keldi. Eki tarap ta álemniń turaqty damýynyń irgeli sharty ártúrli konfessiialar, etnostar men mádenietter arasyndaǵy dialog, syilastyq pen dostyq ekenin alǵa tartty», - delingen N.Nazarbaev ortalyǵy taratqan aqparatta.
N.Nazarbaev ortalyǵynyń basshysy Bolat Sársenbaev dini jáne ǵylymi sarapshylar qaýymdastyǵynyń túrli konfessiialyq qatynastary salasyndaǵy irgeli, qoldanbaly zertteý jobalaryn damytýdaǵy róliniń ósip kele jatqandyǵyn, dinder arasyndaǵy toleranttylyqty nyǵaitý, sondai-aq eki baýyrlas el arasyndaǵy yntymaqtastyqty keńeitý boiynsha tájiribe almasýdyń mańyzdylyǵyn atap ótti.
Sonymen qatar, Bolat Sársenbaev 2022 jyly ótetin Álemdik jáne dástúrli dinder kóshbasshylarynyń sezi men 2021 jyly ótetin sezdiń XIX hatshylyq otyrysyna QR Parlamenti Senatynyń tóraǵasy - Álemdik jáne dástúrli dinder liderleri sezi hatshylyǵynyń jetekshisi Máýlen Áshimbaevtyń basshylyǵymen, QR Aqparat jáne qoǵamdyq damý, Syrtqy ister ministrlikteriniń qoldaýymen daiyndyq bastalǵanyna erekshe nazar aýdardy.
«Ózderińiz biletindei, Ózbekstan – bizdiń memleketimizdiń mańyzdy seriktesteriniń biri ǵana emes, bizge dos, baýyrlas memleket. Qazaqstan rýhani bilim berý, dinaralyq dialogty ilgeriletý, eki el arasyndaǵy tájiribe almasý salasyndaǵy tereń yntymaqtastyqqa erekshe mán beredi. Osy oraida, QR Prezidenti Qasym-Jomart Toqaevtyń konfessiialar men órkenietter arasyndaǵy dialogty qamtamasyz etýdegi, halyqtar arasyndaǵy beibitshilik pen kelisimniń tiimdi strategiiasyn ázirleýdegi rólin atap ótý mańyzdy. Sondai-aq, QR Tuńǵysh Prezidenti - Elbasy Nursultan Nazarbaevtyń bastamasymen ótetin Álemdik jáne dástúrli dinder liderleri sezin jan-jaqty qoldaǵany úshin rizamyz. Osy jyldar ishinde sezd jumysy ártúrli konfessiia ókilderiniń ózekti máselelerin sheshýge baǵyttalǵan tiimdi quralǵa ainalyp úlgerdi. Ózge elder men órkenietter arasyndaǵy yntymaqtastyqty damytýdaǵy jemisti jumysynyń arqasynda Álemdik jáne dástúrli dinder liderleriniń sezi shynymen de Qazaqstannyń tanymal simvoly mártebesine ie boldy. Álemdik jáne dástúrli dinder liderleri seziniń ideialaryn ilgeriletý jáne ony dialogtyń jańa deńgeiine shyǵarý jumystaryn birlesip jalǵastyrý mańyzdy dep sanaimyn. Tek yntymaqtastyq, baýyrmaldyq qasietteri ǵana bizge búkil álemdik qoǵamdastyqtyń ál-aýqatyn jaqsartý men ortaq maqsattarǵa jetýge múmkindik beredi», - dedi N.Nazarbaev ortalyǵynyń basshysy.
Bolat Sársenbaev Ózbekstanǵa jumys sapary barysynda Ózbekstan musylmandary basqarmasynyń tóraǵasy, múfti Ý.Alimovpen, Ózbekstan Syrtqy ister ministriniń birinshi orynbasary F.Arzievpen, Palestina memleketiniń Ózbekstandaǵy Tótenshe jáne Ókiletti Elshisi Mohammad Tarshahanimen kezdesti.
