Búgin Qazaqstan halqy Assambleiasynyń HIH sessiiasynda QR Tuńǵysh Prezidenti Nursultan Nazarbaev QHA tóraǵasy laýazymynan bas tartty, dep habarlaidy "Ult aqparat".
«2019 jyly 19 naýryzda 30 jyldyq qyzmetimnen keiin prezident ókilettigin toqtattym. Osy jetkilikti, basshylyqta ózgeris, jańa adamdar men jańa mindetter bolýy kerek dep sanadym. Bilik sabaqtastyǵy máselesi 2019 jyly konstitýtsiialyq jolmen sheshildi. Bul qadamnyń durystyǵyn ómir rastady. Men osy jyldar boiy menimen birge jumys istegen, ózim jaqsy biletin adamdy tańdadym. (...) Búgin bul tańdaý durys bolǵany aqtalyp otyr.
Qazir men osymen toqtamai budan ári jyljyǵym keledi. Bul da men úshin mańyzdy qadam, óitkeni 1995 jyldan bastap men Qazaqstan halqy Assambleiasynyń bastaýynda boldym, jumysty basqardym, biz sizdermen birge kúrdeli joldan óttik», - dedi Nazarbaev Assambleia sessiiasynda.
Sessiiany qorytyndylai kele Elbasy QHA tóraǵasy laýazymyn eldiń is basyndaǵy Prezidenti atqarýy tiistigin atap ótti.
«Qazaqstan Respýblikasynyń Tuńǵysh Prezidenti – Elbasy týraly» Konstitýtsiialyq zańǵa, Assambleia týraly zańǵa sáikes maǵan Qazaqstan halqy Assambleiasynyń tóraǵasy laýazymyn ómir boiy atqarý quqyǵy berilgen. Jalpy, men sizdermen barlyq ýaqytta birge bolamyn ári odan bas tartpaimyn da. Degenmen, Assambleiany basqarýǵa qatysty birqatar quziret elimizdiń Prezidentine júktelgen. Tipti, bul da mańyzdy emes. Qazaqstan halqy Assambleiasy tirek retinde is basyndaǵy Prezidenttiń janynda turýy tiis jáne ekinshi jaǵynan Memleket basshysy da Assambleiaǵa arqa súieidi. Sondyqtan men Assambleiany basqarý quqyǵymdy Prezident Qasym-Jomart Toqaevqa berý týraly sheshim qabyldadym.
Búgingi sheshim Assambleia qyzmetiniń múddelerine qyzmet etetinine jáne Prezidentimizge elimizdiń, qoǵamymyzdyń, memleketimizdiń bolashaǵyna arnalǵan barlyq jumys pen jospardy birizdendirýge kómektesetinine senimdimin. Qasym-Jomart Kemeluly, QHA-nyń sizge kórsetken senimimen quttyqtaimyn, sizge tabys tileimin», - dedi Nursultan Nazarbaev.
