Kezdesý barysynda Qazaqstannyń Tuńǵysh Prezidenti mártebeli meimanǵa Eýraziia elderi spikerleriniń keńesine qatysqany úshin alǵys bildirdi, dep habarlaidy "Ult aqparat".
– Táýelsizdik jyldary Koreiamen eń jyly qarym-qatynas ornatýǵa tyrystym. Bizde ekonomikalyq yntymaqtastyqtyń úlken baǵdarlamasy bar. Qazaqstanda 100 myń káris ulty turady. Bul bizdiń elderimizdiń arasyndaǵy altyn kópir. Biz ekonomikalyq jáne saiasi yntymaqtastyqty jalǵastyrýǵa múddelimiz, - dedi Nursultan Nazarbaev.
Sondai-aq, Elbasy Ońtústik jáne Soltústik Koreia arasyndaǵy dialog ornatý úderisine qoldaý bildirdi.
Óz kezeginde Mýn Hi San Eýraziia elderi spikerleri keńesiniń joǵary deńgeide ótkenin atap ótti.
– Álem halqynyń 75 paiyzy Eýraziia qurlyǵynda turady. Álemdik JIÓ-niń 60 paiyzy Eýraziiaǵa tiesili. Ózderińiz biletindei, Eýraziianyń eń shyǵys sheti – ol Koreia Respýblikasy. Qazaqstan osy kontinenttiń qaq ortasynda. Bizdiń alǵashqy otyrysqa 19 memleket, ekinshisine - 27, úshinshi - 39 memleket qatysty. Búgingi basqosýǵa 55-ten astam memleket qatysýda. Bul jetistik – Sizdiń eńbegińiz, - dedi Koreia Respýblikasy Ulttyq Assambleiasynyń spikeri.
