Nursultan Nazarbaev Qazaqstan halqy Assambleiasy tóraǵasynyń orynbasary Marat Ázilhanovty qabyldady, dep habarlaidy "Ult aqparat" Elbasynyń resmi saityna silteme jasap.
Kezdesýde Nursultan Nazarbaevqa elimizdegi etnosaralyq qatynastar salasyndaǵy ahýal jáne Qazaqstan halqy Assambleiasynyń «Birliktiń, tatýlyq pen kelisimniń 30 jyly» atty aldaǵy XXIX sessiiasyna ázirlik barysy týraly baiandaldy.
– 1995 jylǵy sheshimim boiynsha qurylǵan Assambleianyń jumysyn men erekshe baqylap otyramyn. Sodan beri etnosaralyq qatynastardy nyǵaitý salasynda biraz sharýa atqaryldy. Bizdiń bul saladaǵy tájiribemiz dúnie júzine málim, kóptegen elder oǵan qyzyǵýshylyq tanytýda, – dedi Elbasy.
Kezdesý barysynda óńirlerdegi Dostyq úileriniń jumysyna basa kóńil bólindi. Tuńǵysh Prezident aimaqtarda qoǵamdyq kelisim men jalpyulttyq birlik baǵytyndaǵy memlekettik saiasatty odan ári júzege asyrý úshin ákimdikter men Qazaqstan halqy Assambleiasynyń birlesken jumysynyń mańyzdylyǵyn atap ótti.
Sońynda Qazaqstan halqy Assambleiasynyń tóraǵasy birqatar naqty tapsyrma berdi.
