Elbasy Hanzada Filipptiń qaitys bolýyna bailanysty Ulybritaniia jáne Soltústik Irlandiia Qurama Koroldiginiń Patshaiymy II Elizavetaǵa kóńil aitý jedelhatyn joldady, dep habarlaidy "Ult aqparat" Elbasynyń resmi saityna silteme jasap.
Nursultan Nazarbaev Hanzada Filipptiń ómirden ótkeni týraly sýyt habardy kúizelispen qabyldady.
«Ol jarqyn ári maǵynaly ǵumyr keshti. Sizdiń senimdi tiregińiz bolyp, el múddesi jolynda naǵyz patriot jáne halyqaralyq deńgeidegi birtýar qairatker retinde tarihi iz qaldyrdy.
Ulybritaniia jáne Soltústik Irlandiia Qurama Koroldigine saparlarym barysynda Ózińizben jáne Hanzada Filippen bolǵan kezdesýlerde marqumnyń Qazaqstanǵa degen iltipatty kóńili men igi nietin árdaiym sezetinmin.
Sizdiń jáne týystaryńyzdyń qaiǵysyna ortaqpyn.
Osynaý azaly saǵatta, Uly Mártebeli, Sizge, otbasyńyzǵa, búkil Ulybritaniia jáne Soltústik Irlandiia Qurama Koroldiginiń halqyna sabyr tilep, kóńil aitamyn», – delingen jedelhatta.
