Elbasy Nursultan Ábishuly qazaq tili álipbiin kirillitsadan latyn grafikasyna kóshirý týraly jarlyqqa qol qoidy, dep habarlaidy "Ult aqparat" Aqordaǵa silteme jasap.
Jarlyqtyń tolyq mátini tómendegidei:
Qazaq tili álipbiiniń kirillitsadan latyn grafikasyna kóshirilýin qamtamasyz etý maqsatynda QAÝLY ETEMIN:
1. Qosa berilip otyrǵan latyn grafikasyna negizdelgen qazaq tili álipbii bekitilsin.
2. Qazaqstan Respýblikasynyń Úkimeti:
Qazaq tili álipbiin latyn grafikasyna kóshirý jónindegi ulttyq komissiia qursyn;
qazaq tili álipbiiniń 2025 jylǵa deiin latyn grafikasyna kezeń-kezeńimen kóshýin qamtamasyz etsin;
osy Jarlyqty iske asyrý jóninde ózge de, sonyń ishinde uiymdastyrýshylyq jáne zańnamalyq sipattaǵy, sharalar qabyldasyn.
3. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
4. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti N.Nazarbaev
Astana, Aqorda, 2017 jylǵy 26 qazan
№ 569
