Nursultan Nazarbaev Qaýipsizdik keńesi bólimderinde aýys-túiis jasady, dep habarlaidy "Ult aqparat" Elbasynyń resmi saityna silteme jasap.
"Qazaqstan Respýblikasy Qaýipsizdik keńesi tóraǵasynyń sheshimimen Rýslanbek Bekjigitov Qaýipsizdik keńesiniń qaýipsizdiktiń jalpy máseleleri bóliminiń meńgerýshisi qyzmetinen, Erlan Abdaqasov Qaýipsizdik keńesiniń ahýaldyq ortalyǵynyń meńgerýshisi qyzmetinen bosatyldy", - delingen aqparatta.
Olardyń basqa jumysqa aýysqany aitylyp otyr.
Elbasy sheshimimen Bekjigitovtiń ornyna Rasýl Orazǵulov, al Abdaqasovtyń ornyna Daniiar Esin keldi.
Aita keteiik, Qazaqstan Respýblikasynyń Qaýipsizdik keńesi - ishki saiasi turaqtylyqty saqtaý, konstitýtsiialyq qurylysty, memlekettik táýelsizdikti, aýmaqtyq tutastyqty jáne halyqaralyq arenada Qazaqstannyń ulttyq múddelerin qorǵaý maqsatynda qurylǵan konstitýtsiialyq organ. Ol ulttyq qaýipsizdik pen qorǵanys qabiletin qamtamasyz etý salasynda biryńǵai memlekettik saiasat júrgizedi.
Qazaqstannyń Tuńǵysh Prezidenti – Elbasy Qaýipsizdik keńesiniń tóraǵasy bolyp tabylady. Keńes quramyn prezident Qaýipsizdik keńesiniń tóraǵasymen kelise otyryp qalyptastyrady.
