Qazaqstannyń mádeniet jáne sport ministri Arystanbek Muhamediuly ýkrainalyq "Golos. Diti" shoýynyń jeńimpazy atanǵan almatylyq 10 jastaǵy Daneliia Tóleshovamen kezdesti, - dep habarlaidy Tengrinews.kz tilshisi.
Arystanbek Muhamediuly Daneliia Tóleshovany qazaqstandyqtardyń atynan sátti óner kórsetýimen quttyqtady.
"Kóp raqmet, Memleket basshysy Nursultan Nazarbaev 15 jeltoqsanda Táýelsizdik kúnine orai ótken saltanatty kontsert kezinde seniń ónerine tánti bolǵanyn aitýyn suraǵan edi. Daneliia 15 jeltoqsanda Astanaǵa kelip, óner kórsetti. Al túnde kontsertten keiin ushyp ketti. Tamasha óner kórsetti", - dedi ministr.
Sondai-aq, ministr vedomstvonyń Daneliianyń ári qarai óner kórsetip, ánder jazýy úshin bar kúshterin salatynyn aitty.
Sonymen qatar, ministrmen ótken kezdesýge ánshi qyzdyń anasy da keldi.
Eske sala keteiik, 10 jastaǵy Daneliia Tóleshova Ýkrainadaǵy baiqaýda jeńimpaz atanǵan bolatyn. Sýperfinalda Dáneli "Ne tvoia viina" ánin oryndap, zalda otyrǵan biraz adam jáne óz ustazy Dima MONATIK kózine jas alǵan edi.
