Qazaqstannyń Tuńǵysh Prezidenti Nursultan Nazarbaev Resei Federatsiiasynyń Prezidenti Vladimir Pýtinmen kezdesti, dep habarlaidy elbasy.kz saity.
Kezdesýde taraptar óńirlik jáne halyqaralyq kún tártibindegi asa ózekti máseleler boiynsha pikir alysty.
Elbasy Resei Federatsiiasynyń Prezidentine TMD-ǵa múshe memleketter kóshbasshylarynyń beiresmi sammitine Joǵary Eýraziialyq ekonomikalyq keńestiń Qurmetti tóraǵasy retinde qatysýǵa shaqyrǵany úshin rizashylyǵyn bildirdi.
«Qurmetti tóraǵa retinde búgin beiresmi kezdesýge qatysamyn. Men 1991 jylǵy jeltoqsanda Almatyda TMD-nyń qurylý sátine kýá bolǵandardyń birimin. Bul tarihi oqiǵanyń qalai bolǵanyn jaqsy bilemin», – dedi Nursultan Nazarbaev.
Qazaqstannyń Tuńǵysh Prezidenti sondai-aq Eýraziia ekonomikalyq odaǵyn odan ári damytýdyń mańyzdylyǵyna toqtalyp, bul integratsiialyq birlestiktiń tiimdi ári ózekti ekenin aitty.
«Eýraziia ekonomikalyq odaǵy tolyq quryldy, oǵan kópshilik kóz jetkizip otyr. Pandemiiaǵa qaramastan, tek Qazaqstan men Resei arasyndaǵy taýar ainalymynyń kólemi 24 milliardty quraidy. Bul - buǵan deiingi jyldarda bolyp kórmegen rekord. Bizdiń mindetimiz – Eýraziia ekonomikalyq odaǵyn damyta túsý, qaýymdastyrylǵan músheler men baiqaýshylardy qabyldaý. Jańa múshelerge munyń tiimdi ekenin dáleldeý. Óitkeni konsensýs negizinde jumys isteitin bul birlestik onyń birde-bir músheciniń quqy men múddelerine nuqsan keltirmeidi», – dedi Nursultan Nazarbaev.
Vladimir Pýtin Qazaqstannyń Tuńǵysh Prezidentiniń Eýraziia ekonomikalyq odaǵyn qurýǵa jáne Eýraziia qurlyǵynda ekonomikalyq integratsiiany odan ári damytýǵa qosqan úlesin atap ótti.
«Qazir pandemiiaǵa bailanysty jaǵdai óte kúrdelenip, búkil dúnie júzinde óndiris tómendegen tusta bizdiń ózińizben birge jasaǵan mehanizmderimiz ben quraldarymyz tiimdi jumys istep tur. Qazaqstanmen qarym-qatynasymyzǵa toqtalǵanda 2020 jyly pandemiia eń kúsheigen kezeńde de ekonomikamyzdyń qatty quldyraýyna jol bermegenimizdi aitsaq jetkilikti. Al biylǵy jyldyń alǵashqy toǵyz aiynda ósý kórsetkishi 30 paiyzdan asty. Árine, bul Qazaqstannyń qazirgi basshylyǵymen bizdiń birlesken jumysymyzdyń mańyzdy nátijesi», – dedi Resei Federatsiiasynyń Prezidenti.
