Túrikmenstannyń Túrki keńesine baqylaýshy el retinde qosylýy formaldy túrde túrki elderiniń basy birikkenin bildiredi. QR Tuńǵysh Prezidenti – Elbasy Nursultan Nazarabev Túrki memleketteriniń uiymy sammitine joldaǵan úndeýinde osyndai pikir aitty, dep habarlaidy QazAqparat.
«Memleketterimiz aldyna órshil ulttyq damý maqsatttaryn qoiyp otyr. Prezident Ilham Geidaroǵly Álievtiń basshylyǵymen qarqyndy damyp kele jatqan Ázerbaijan óz aýmaǵynyń tutastyǵyn qaita ornatýyna 1 jyl tolǵanyn atap ótti. Bul - bárimiz úshin qýanysh. Qarabaqta aýqymdy qalpyna keltirý jumystaryn bastady. Prezident Sadyr Japarov respýblikada kúrdeli saiasi reformalar júrgizýdi qolǵa alyp, Qyrǵyzstannyń 2026 jylǵa deiingi ulttyq damý baǵdarlamasyn oryndaýǵa kiristi. Prezident Rejep Taiyp Erdoǵan 2023 jyly Túrkiia Respýblikasynyń 100 jyldyǵy qarsańynda elin jańa jetistikterge jetelep keledi. Prezident Shavhat Mirzieevti «Jańa Ózbekstan strategiiasy» baǵdarlamasyn usynyp, jýyrda ótken memleket basshysy sailaýynda aiqyn jeńiske jetýimen taǵy da shyn júrekten quttyqtaimyn. Túrikmenstan el beitaraptyǵy mártebesiniń 25 jyldyǵyn atap ótip, Prezident Gurbanǵuly Berdimuhamedovtiń basshylyǵymen 2030 jylǵa deiingi áleýmettik-ekonomikalyq damý baǵdarlamasyn júzege asyrýda jalǵastyrýda», - degen Elbasy Majarstan Premer-Ministri Viktor Orbanǵa túrki álemine kórsetip kele jatqan jan-jaqty qoldaýy úshin alǵys aitty.
«Prezident Ǵurbanǵuly Berdimuhamedovti, baýyrlas Túrikmenstan halqyn túrki keńesine baqylaýshy el retinde qoslýymen quttyqtaimyn. Bul qadamnyń mańyzy zor jáne formaldy túrde túrki elderiniń bas birigýin bildiredi», - dep qosty Nursultan Nazarbaev.
