Joǵary Eýraziialyq ekonomikalyq keńestiń Qurmetti Tóraǵasy, QR Tuńǵysh Prezidenti - Elbasy Nursultan Nazarbaev EAEO elderi arasyndaǵy yntymaqtastyqqa baǵa berdi, dep habarlaidy QazAqparat.
«Búgin Qazaqstan Respýblikasy Táýelsizdigi kúni qarsańynda júzdesip otyrmyz. Jeke men úshin Tuńǵysh Prezident retinde 30 jyldyq kezeńniń alar orny airyqsha. 30 jyl buryn ýaqyt bizden jańa batyl sheshimderdi qabyldaýdy talap etti. Bizdiń memleketterimiz arasynda úzilgen saýda bailanystaryn qalpyna keltirý qajet boldy, dál sol kezde 1994 jyly men Máskeý memlekettik ýniversitetiniń qabyrǵasynda EAEO qurý ideiasyn alǵash ret usyndym», - dedi Tuńǵysh Prezident.
Óz sózinde Elbasy geografiialyq jaǵynan jalpy tarihy men dástúrleri jaqyn elderdiń ózara tiimdi yqpaldastyq negizinde damýy qajettigin aitty.
«Jiyrma jyl boiy barlyq memleketterdiń qajyrly jumysy qajet boldy jáne qazir bul ideialardyń bári júzege asty. Biz Eýraziialyq ekonomikalyq keńestiń tolyqqandy integratsiialyq birlestik retinde qalyptasý kezeńinen óttik, ol ulttyq ekonomikalardyń turaqty damýyn qamtamasyz etetin aýqymdy biryńǵai naryqqa ainaldy. EýrAzEQ qurylǵannan beri odaq músheleri bir-birine tiimdi kómektesetin senimdi áriptester, odaqtastar ekenin kórsetti. Búgingi tańda COVID-19 pandemiiasynan týyndaǵan álemdik syn-qaterler jaǵdaiynda bizge odan da kóp yntymaqtastyq qajet», - dedi N. Nazarbaev.
Sonymen birge, Nursultan Nazarbaev baýyrlas halyq Ózbekstanǵa EAEO janyndaǵy memlekettik baqylaýshy mártebesi berilgenin mańyzdy oqiǵa dep atady.
«Ekinshi jaǵynan, men Armeniia men Ázerbaijan arasyndaǵy qarym-qatynas kópjyldyq kelispeýshilikten keiin durystalǵanyna shyn júrekten qýanyshtymyn. Meniń oiymsha, biz bárimiz osyndai pikirdemiz. Sonymen qatar, buryn aitylǵandai, Ázerbaijan Respýblikasymen de baqylaýshy bolý úshin kelissózder júrgizýge bolady dep sanaimyz. Munda Ózbekstan tájiribesi úlgi bolýy kerek, menińshe Ózbekstan budan kóp nárse utty. Biyl qyrkúiek aiynda EEK pen ShYU arasyndaǵy ózara túsinistik týraly memorandýmǵa qol qoidyq. EAEO elderi EO-men, ShYU-men yntymaqtastyǵyn odan ári nyǵaitý maqsatynda túrki memleketteriniń uiymdary quryldy, buǵan deiin aitqanymyzdai, «Úlken Eýraziia» dep atalatyn 4 jaqty ekonomikalyq forým qurýdy oilastyrýǵa bolar edi», - dedi N. Nazarbaev.
