Qazaqstan Respýblikasynyń Prezidenti Nursultan Nazarbaev «Astana» fýtbol klýbyna quttyqtaý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Eýropa Ligasynyń plei-off kezeńine shyǵýyna bailanysty «Astana» fýtbol klýbyn quttyqtady.
«Sizderdiń tabystaryńyz komandanyń oiynyn zor qyzyǵýshylyqpen ári úmitpen baqylap júrgen milliondaǵan qazaqstandyqtarǵa qýanysh syilady.
Sizderdiń jetistikterińiz Qazaqstanda fýtboldy jáne sport salasyn odan ári damytýǵa tyń serpin beretini sózsiz. Elordamyz Astananyń 20 jyldyǵy qarsańyndaǵy bul jeńistiń erekshe simvoldyq máni bar», - delingen jedelhatta.
Sońynda Qazaqstan Prezidenti komanda músheleriniń bárine zor densaýlyq pen amandyq tilep, alǵa qoiǵan maqsattarynyń oryndalýyna niettestik bildirdi.
