Nursultan Nazarbaev Prezident kómekshisi – Qaýipsizdik Keńesiniń Hatshysy Áset Isekeshevti qabyldady. Kezdesý barysynda Elbasy Qaýipsizdik Keńesi elimizdiń ulttyq qaýipsizdigi men qorǵanys qabiletin qamtamasyz etýde biryńǵai memlekettik saiasatty iske asyrýdy úilestirýde mańyzdy ról atqaratynyn atap ótti, dep habarlaidy elbasy.kz.
– Qaýipsizdik Keńesi eldiń ishinde de, odan tysqary da qaýipsizdik máselelerin taldaityn jáne qaraýǵa usynatyn óte mańyzdy memlekettik organ. Onyń quzyryna quqyq qorǵaý organdarynyń jumysy, azyq-túlik qaýipsizdigin qamtamasyz etý, shet eldermen qarym-qatynas jáne eldiń qorǵanys qabileti siiaqty máseleler kiredi. Sonymen birge, quqyq qorǵaý júiesiniń reformasyna kóńil bólip, sońyna deiin jetkizý mańyzdy, - dedi Qazaqstannyń Tuńǵysh Prezidenti.
Óz kezeginde Á.Isekeshev eldegi qazirgi jaǵdai týraly baiandap, 2020 jylǵa arnalǵan jumys jospary týraly aqparat usyndy.
Kezdesý qorytyndysy boiynsha Qaýipsizdik Keńesiniń Tóraǵasy birqatar naqty tapsyrma berdi.
