QR Prezidenti Nursultan Nazarbaev óz anasynyń baqilyq bolsa da, sheksiz mahabbatymen áli de qoldap-qorǵap júrgenin aitady. Prezidenttiń apasy týraly aǵynan jarylyp sóilegenin Instagram jelisindegi Aqordanyń resmi paraqshasynda jariialanǵan videodan kórýge bolady, - dep habarlaidy "Ult aqparat".
"Ol kezderi janynda kóp bola almadym. Men anamnyń ózimdi qalai qatty jaqsy kóretinin biletinmin. Meniń oiymsha, olai basqa eshkim jaqsy kóre almaidy. Meni osy kúnge deiin onyń mahabbaty qoldap kele jatyr. Kei kezderi mańyzdy ári aýyr sheshimder qabyldaǵan sátterimde, anam meniń túsime kiredi. Men - mistik emespin, eshqandai baqsy, balgerler, kóripkelder men juldyzshylarǵa senbeimin. Biraq anam túsime kirip, "Ózińe senimdi bol, bári de durys bolady", - deidi. Qazir anam tiri bolsa, men oǵan bylai dep aitar edim: "Men sizdi qatty jaqsy kóremin, qadirleimin", - dedi Nazarbaev 2001 jyly túsirilgen videoda.
