Elbasy Nursultan Nazarbaev ál-Farabi atyndaǵy Qazaq ulttyq ýniversitetiniń rektory Ǵalymqaiyr Mutanovty qabyldady. Bul týraly QR Tuńǵysh Prezidentiniń resmi saitynda habarlandy.
Kezdesý barysynda Elbasy joǵary oqý ornyn odan ári damytýdyń jáne halyqaralyq bedelin nyǵaitýdyń mańyzdylyǵyn atap ótti.
«Ýniversitettiń bedelin kóterý mańyzdy. Aldymyzda joǵary oqý ornyn zertteý ortalyǵyna ainaldyrý maqsaty tur. Bilim sapasy men professorlyq-oqytýshylyq quramdy daiyndaý deńgeiin arttyrýǵa nazar aýdarý kerek. Bilim alýshylardyń jaǵdaiyn jaqsartý úshin stýdenttik jataqhanalar salý jóninde tapsyrmalar berildi», - dedi Qazaqstannyń Tuńǵysh Prezidenti.
Sondai-aq, áńgime barysynda Nursultan Nazarbaevqa Ábý Nasyr ál-Farabidiń 1150 jyldyq mereitoiyn atap ótýge arnalǵan sharalardyń daiyndyǵy jóninde málimet berildi.
