Naýryz meiramy kúnderi aýa raiynyń buzylýyna bailanysty respýblikalyq mańyzy bar joldardaǵy 86 ýchaskede avtokólikter úshin qozǵalys shekteldi, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Eń kóp jabylǵan jol ýchaskeleri boiynsha birinshi orynda Aqmola oblysy tur. Munda qozǵalysqa shekteý óńirdiń 29 jol ýchaskesinde engizildi.
Qaraǵandy oblysynda joldar naýryzdyń 20-sy men 24-i aralyǵynda 15 márte, al Shyǵys Qazaqstan oblysynda 14 ret jabyldy.
Aita ketý kerek, bes kúnniń ishinde atalǵan óńirlerde jaýyn-shashynnyń ailyq mólsheri túsken.
Qys bastalǵaly respýblikalyq tas joldardaǵy qozǵalysqa shekteý barlyǵy 997 ýchaskede engizilgen.
