Koronavirýs juqtyrǵan naýqaspen bailanysta bolǵan adamdar 2 apta vaktsina almai kútýi kerek. Bul týraly Respýblikalyq diagnostikalyq ortalyqtyń klinikalyq immýnologiia, allergologiia jáne pýlmonologiia bóliminiń meńgerýshisi, meditsina ǵylymdarynyń doktory Elena Kovzel aitty, dep habarlaidy QazAqparat.
«Koronavirýspen aýyrýy múmkin naýqaspen bailanysta bolsańyz, eki apta kútý usynylady. Sodan keiin ǵana vaktsina alýyńyzǵa bolady. Osy ýaqyttyń ishinde virýstyń damymaǵanyn jáne infektsiia joq ekenin túsinýge bolady. Eki aptada ózgeris baiqalmasa, sizge PTR-test tapsyrý qajet emes degen sóz. Al koronavirýsty ótkergenderge naqty aitylǵan. Tek 6 aidan keiin ǵana vaktsina alýǵa bolady. Eger indet juqtyrdym-aý dep kúmándansańyz, PTR-test tapsyra alasyz», - dedi maman.
Meditsina ǵylymdarynyń doktory zerthanalardyń antidene mólsheri týraly beretin derekterine muqiiat qaraý kerektigin aitady.
«Bir test boiynsha referent kórsetkishi basqa test boiynsha kórsetkishke sáikes kelmei jatady. Qazir Qazaqstan naryǵynda 10 myńnan astam test-júie bar. Al antidene deńgeii boiynsha resmi kórsetkishter joq. Sońǵy synaqtardyń nátijelerine súiensek, antidene kórsetkishi 50-60 -tan assa, qorǵanys deńgeii bar bolǵany», – deidi Elena Kovzel.
