Aýǵanstanda birqatar sheteldik bazany evakýatsiialaý bastaldy. Bul jaiynda BAQ ókilderine Aýǵanstandaǵy NATO jáne AQSh áskerleriniń qolbasshysy Skott Miller málim etti, dep habarlaidy Anadoly agenttigi.
Onyń aitýynsha, sheteldik derjavalar ózderiniń barlyq bazasyn aýǵan kúshterine beretin bolady. Sonymen qatar Miller aýǵan kúshteriniń qaýipsizdigine qoldaý kórsetý sheteldik áskerler shyǵarylǵannan keiin de jalǵasatyndyǵyn aitty. Munan bólek ol búkil elde tálibter tarapynan zorlyq-zombylyq oqiǵalarynyń jiilep ketkendigin jáne bul beibit protsesske áser etýi múmkin ekendigin atap ótti.
«Eger sheteldik áskerler shyǵarylǵannan keiin zorlyq-zombylyq arta tússe, onda bul búkil óńirge qater tóndiretin bolady», - dedi Miller.
Aita keteiik, 14 sáýir kúni AQSh Prezidenti Djo Baiden 11 qyrkúiekke deiin Aýǵanstandaǵy áskerin tolyqtai shyǵaratyndyǵyn málimdegen edi.
