NATO elderi qorǵanys ministrleri sársenbi jáne beisenbi kúnderi ótken telekonferentsiiadaǵy kezdesýin aiaqtady (17-18 aqpany), dep habarlaidy "Ult aqparat".
Alianstyń qorǵanys ministrleriniń «virtýaldy» sammitinde kún tártibindegi qaralǵan másele – NATO-nyń Aýǵanstan men Iraktaǵy missiiasy, jetistikti baǵalaý jáne «NATO-2030» bastamasy. Sondai-aq ministrler NATO seriktesteri – Finliandiia, Shvetsiia jáne Eýropalyq odaqpen kezdesip, ortaq qaýipsizdik máselelerin talqylady.
Baspasóz konferentsiiasynda sóz sóilegen NATO-nyń bas hatshysy Iens Stoltenberg qazirgi kezde Alians Aýǵanstanda qalý máselesine qatysty naqty sheshim qabyldamaǵanyn aitty. «Shekti merzim, iaǵni 2021 jyldyń 1 mamyry jaqyndap kele jatqandyqtan, NATO jaqtastary bir-birimen tyǵyz talqylaýdy jáne taiaý aptalarda áreketterin úilestirýdi jalǵastyrady», - dedi I.Stoltenberg.
«Biz batyl aýǵan qaýipsizdik kúshterin oqytyp jáne qarjylandyra otyryp, bizdiń «Naqty qoldaý» missiiasynan aýytqymaimyz. NATO beibit protsesti qoldaidy jáne osyǵan bailanysty áskerimizdiń sanyn edáýir azaittyq.
Beibit protsess – zorlyq pen azapty toqtatýǵa aparatyn múmkindik. Beibit ómirdi qalyptastyrady. Bul aýǵan halqy úshin óte mańyzdy. Óńirlerdiń qaýipsizdigi, bizdiń qaýipsizdigimiz úshin de. Biraq kelissózder qubylmaly bolǵandyqtan úrdis baiaý júrip jatyr», dep atap ótti NATO-nyń bas hatshysy.
Onyń aitýynsha, Aýǵanstanda beibit ómirdi qalypqa keltirý kerek. Sonymen qatar, NATO ókili Taliban jaqtastaryna shynaiy kelissóz júrgizýge, agressiia deńgeiin tómendetýge shaqyrdy.
«NATO-nyń maqsaty – Aýǵanstandy elderimizge shabýyl jasaityn terroristerdiń mekenine ainaldyrmaý», - dedi I.Stoltenberg.
Sonymen qatar, alianstyń qorǵanys vedomstvolary basshylarynyń sammitinde NATO-nyń Iraktaǵy missiiasyn 500-den 4 myńǵa deiin ulǵaitý týraly sheshim qabyldandy.
