1 qazanda týrizm salasyndaǵy «National Tourism Awards 2019» ulttyq baiqaýyna ótinim qabyldaý bastalady, dep habarlaidy "Ult aqparat".
Bul týraly «Qazaq Týrizm» AQ Basqarma tóraǵasynyń orynbasary Timýr Dúisenǵaliev aitty.
«National Tourism Awards 2019» ulttyq baiqaýy biznesti óz iinfraqurylymyn jaqsartýǵa, básekege qabiletti bolýǵa yntalandyrýdy kózdeidi. Baiqaýdyń 10 atalymynda biznestiń barlyq salalary qamtylǵan. Onda jaiǵastyrý oryndary, týristik operatorlar, blogerler jáne biyl «Úzdik týristik joba» nominatsiiasyn qostyq. Bul qandai da bir erekshe qonaq úi bolýy múmkin nemese etnoaýyl, is-shara. Ministrlik bul jobaǵa qarajat bóledi», – dedi T.Dúisenǵaliev.
Onyń aitýynsha, ministrlik (Mádeniet jáne sport ministrligi - red.) osylaisha jaqsy jobasy bar, biraq qarjylandyrý jetispeitin bizneske qol ushyn sozǵysy keledi. Mundai júldeder týrizm salasyndaǵy kóshbasshylardy anyqtaýǵa múmkindik beredi.
Óz kezeginde, Týrizmdi damytý departmentiniń direktory Gaýhar Jeńisbek uiymdastyrýshylar men seriktesterdiń arnaiy júldeleri kóbeigenin atap ótti. Irikteý 10 atalymda onlain daýys berý arqyly júredi.
1. «Jyldyń úzdik týristik kompaniiasy»
2. «Úzdik gid-ekskýrsovod»
3. «5* sanatyndaǵy úzdik qonaq úi»
4. «4* sanatyndaǵy úzdik qonaq úi»
5. «3* sanatyndaǵy úzdik qonaq úi»
6. «Úzdik shipajai»
7. «Balalar men jasóspirimder týrizmi boiynsha úzdik joba»
8. «Týrizmdi nasihattaý boiynsha úzdik joba»
9. «Týrizm týraly úzdik blog»
10. «Oqiǵalyq týrizm boiynsha úzdik joba»
Arnaiy nominatsiialar:
1. «Qazaqstandaǵy týrizmdi damytýǵa qosqan úlesi úshin»
2. «Úzdik biznes-joba»
3. «Qolónerdi damytýǵa qosqan úlesi úshin».
«National Tourism Awards 2019» baiqaýyna ótinimder 1-31 qazan aralyǵynda www.tourismawards saitynda qabyldanady.
Gaýhar Jeńisbektiń aitýynsha, BAQ qyzmetkerlerine arnalǵan
«Úzdik PR maqala, TV-joba, internet-joba» atalymdary biyl «Týrizmdi nasihattaý boiynsha úzdik joba» dep keńeitilgen.
