National Geographic "EKSPO-2017" kórmesine arnaiy júlde taǵaiyndady Týrizm men saiahatqa arnalǵan reseilik Nation Geographic basylymy jyl saiyn tabystalatyn dúniejúzilik National Geographic Traveler Words júldesin Qazaqstan týrizmine arnady, - dep habarlaidy "Ult aqparat".
«Astana EKSPO-2017» ulttyq kompaniiasy National Geographic-pen birge arnaiy joba júzege asyrýda. Bul týraly kompaniianyń Ilgeriletý jáne týrizm departamentiniń direktor orynbasary Roza Asanbaeva, «National Geographic Traveler» bas redaktory Olga Iakovina men Ilgeriletý jáne týrizm departamentiniń bas menedjeri Daniel Serjanulynyń qatysýymen bolǵan baspasóz máslihatynda belgili boldy.
«Halyqaralyq National Geographic Travel Awards júldesi ózindik týrizm salasynyń Oskary bolyp tabylady. Biyl júlde seriktesi Qazaqstan, EKSPO-2017 atandy. Búginde Qazaqstan týristik salada áleýeti joǵary, perspektivaly ári qyzyǵýshylyq týdyratyn baǵyt ekeni belgili, osy rette búgin álem elderinen týristerdi tartýǵa múmkindikter barshylyq. Atap aitqanda, týrizm men saiahat turǵysynda biz halyqaralyq deńgeidegi reseilik aldyńǵy qatarly basylym retinde bul salada iske asyrylatyn qadamdardan tysqary qalǵymyz kelmedi», - dedi óz sózinde Olga Iakovina.
Arnaiy joba eki baiqaýdy qosady. Biri – «Qazaqstan – jańa ashylym ýaqyty», ekinshisi – «Qazaqstan – bolashaq energiiasy». «Qazaqstan – jańa ashylym ýaqyty» marshrýttar baiqaýy 8 qyrkúiek pen 6 qarasha aralyǵynda ótkizilýde. Qatysamyn deýshiler nat-geo.ru Qazaqstannyń kórikti jerleri týraly óz oqiǵalaryn joldaýlaryna bolady. Qazirgi kúnniń ózinde 26 ótinim berildi. Bas júlde EKSPO-2017 halyqaralyq mamandandyrylǵan kórmesine joldama alady. Ári ol 17 qarasha kúni Miskeý qalasynda ótkiziletin National Geographic Traveler Awards 2016 saltanatty sharasynda tabys etiledi.
«Qazaqstan – bolashaq energiiasy» fotobaiqaýy 28 qyrkúiekte bastalyp, 28 qazanǵa deiin ótkiziledi. Oǵan da qatysamyn deýshiler nat-geo.ru saityna Qazaqstannyń sýretterin joldaýy tiis. Baiqaý ádilqazylary eń úzdik jumys ielerin 1 qarasha kúni ataityn bolady. Jeńimpazdyń eńbegi National Geographic-tiń áleýmettik jelilerinde ornalastyrylady. Sondai-aq jeńimpaz National Geographic komandasy jáne shef-fotograf Andrei Kamenevpen birge 2017 jyldyń mamyr aiynda Qazaqstanǵa fotoekspeditsiiaǵa bara alady.
Óz kezeginde, "Astana EKSPO-2017" Ulttyq kompaniiasy Ilgeriletý jáne týrizm bólimi basshysynyń orynbasary Roza Asanbaeva shetel azamattarynyń elimizge degen qyzyǵýshylyǵy kún sanap artyp kele jatqanyn aitady. Ásirese, Almaty, Almaty oblysy, Býrabai, Baiqońyr, Mańǵystaý aimaqtary men Balqash kóli úlken tanymaldylyqqa ie ekeni soǵan dálel bola alatynyn jetkizdi.
"Biz týroperatorlar arqyly qandai úlken qyzyǵýshylyq pen suranys týyp otyrǵanyn bilemiz. Bunyń bári - sózsiz "EKSPO-2017" kórmesiniń arqasy. Óitkeni ol - jumysyna el bolyp jumyla kirisken ulttyq joba", - dedi Roza Asanbaeva.
Ult portaly
