Byltyr NASA 60 jyldyǵyn atap ótti, al biyl aiǵa alǵash qadam basqandaryna 50 jyl tolǵanyn toilamaq, bul týraly CNN habarlaidy.
Osy onjyldyqtar eńbegin kórsetetin – NASA jariialaǵan sýretter. Biyl «NASA beineqory: ǵaryshta 60 jyl» kitaby jaryqqa shyqty, onda 400-den astam ǵaryshta túsirilgen eń úzdik sýretter jariialanǵan.
Kitap avtorlarynyń biri Pirs Bizoni «Sýretke túsirý eń basty missiia emes, árine. Eń alǵash adammen birge ushqan kapsýla «Merkýriida», tipti, tereze de bolmaǵan. Al keiin ǵaryshtyń beinesin kartochkaǵa túsirý bastaldy. Astronavtar Hasselblad kamerasymen birge ushatyn boldy» deidi.
Basylymnyń jazýynsha, aiǵa alǵash ret «Apollon-11» qonǵan kezde de dál osy Hasselblad shved kamerasymen tarihi sýretter túsirilgen. Onyń alǵashqysy – Nil Armstrongtyń aidaǵy sýreti, ekinshisi – Bazz Oldrinniń aiǵa aiaq basqany.
Al 1990 jyldan bastap «Habbl» ǵarysh teleskopy sýretterdi túsirgen. 2021 jyly Djeims Ýebb teleskopy shyǵarylady. «Ol Jer ǵalamsharynan óte alys qashyqtyqty túsire alady, biraq bul teleskoppen jumys istei alatyn kásibi mamandar az», - dedi Bizoni.
Dál osy 60 jylda túsirilgen birneshe tarihi sýretke zer salaiyq:
