Memleket basshysy Qasym-Jomart Toqaev Almatyda jeńil avtomobilder shyǵaratyn qazaqstandyq «Hyundai Trans Kazakhstan» zaýytynyń iske qosylýǵa daiyndyǵyn tekserdi, dep habarlaidy "Ult aqparat" Aqordaǵa silteme jasap.
Prezident avtomashinalardy qurastyrý protsesimen tanysyp, 2020 jylǵy 15 qazanda ashylady dep josparlanyp otyrǵan usaqtorapty qurastyrý ádisimen avtomobilder shyǵarýǵa arnalǵan jańa tsehty aralap kórdi.
Memleket basshysyna jobanyń Almaty qalasynyń indýstriialyq aimaǵyndaǵy memlekettik qurylymdardyń qoldaýymen júzege asyrylyp jatqany týraly baiandaldy. Kásiporyn paidalanýǵa berilgennen keiin onyń qýaty birinshi kezeńde jylyna 30 myń, ekinshi kezeńde 45 myńǵa deiin mashina jasaýǵa jetedi. Investitsiianyń jalpy kólemi – 28 milliard teńgeden astam, onyń 30% – kompaniianyń óz qarajaty. Hyundai Trans Kazakhstan kásiporny 700-ge jýyq jumys ornyn ashyp, sabaqtas salalardyń damýyna serpin beredi.
Investorlar keleshekte avtobólshekter shyǵaratyn zaýyt salýdy josparlap otyr. Osylaisha kompaniia otandyq avtokólik ónerkásibin damytý jónindegi kózdegen maqsattaryna qol jetkizedi. Bul otandyq óndiristiń 51 % astamyn qamtamasyz etedi.
Memleket basshysy nysandy aralap kórgennen keiin indýstriialyq aimaq rezidentterimen jeke kásipkerlikti qoldaý jáne kásiporynnyń basym salalaryn damytý máselelerin talqylady.
«Men óz Joldaýymda elimizdegi kásipkerlikti damytýǵa erekshe mán berdim. Ásirese, biznestiń, kásipkerliktiń damýyna memlekettik organdar tarapynan keltiriletin kez kelgen kedergi elimizge qarsy jasalǵan qylmys retinde qaralatynyna arnaiy toqtaldym. Iaǵni, basqasha aitqanda, Úkimet, jergilikti atqarýshy organdar kásipkerlikti damytýǵa jan-jaqty qoldaý kórsetýge tiis. Bul – ekonomikalyq saiasatymyzdaǵy negizgi baǵyt», – dedi Prezident.
Qasym-Jomart Toqaev elimizdiń ekonomikasyndaǵy ahýal pandemiia saldarynan áli de kúrdeli ekenin jáne bul daǵdarystan memleket pen biznestiń birlesken kúsh-jigeriniń arqasynda ǵana shyǵýǵa bolatynyn atap ótti. Básekelestikti qorǵaý úshin Strategiialyq josparlaý jáne reformalar agenttigi quryldy.
«Naryqty monopolisterden tazalaý kerek. Barlyq laiyqty kásipkerlerdiń bizdiń naryqqa enip, erkin jumys isteýine múmkindik berý qajet. Sonda ǵana ekonomika erkin dami alady. Munyń bári jańa uiymdastyrý sharalaryn qabyldaýdy talap etetini sózsiz. Bul sharalardyń bári tiimdi bolady dep úmittenemin», – dedi Memleket basshysy.
Prezident ekonomikalyq sharalarmen qatar memleket tarapynan Qazaqstan qoǵamyn odan ári demokratiialandyrý jóninde de sharalar qabyldanatynyn aitty. Tuńǵysh Prezident – Elbasy Nursultan Nazarbaev memleketti qalyptastyrýǵa kóp eńbek sińirdi. Endigi mindet Qazaqstannyń damýyna tyń serpin berý bolyp tabylady.
«Partiialardyń qyzmetine, beibit jiyndar men sherýler ótkizýge qatysty jańa zańdar qabyldandy. Jýyrda ǵana Qazaqstanda ólim jazasynan bas tartýdy qarastyratyn ekinshi fakýltativti hattamaǵa qosylý jóninde sheshim qabyldandy. Kezinde Tuńǵysh Prezidentimiz tarapynan ólim jazasyna jariialanǵan moratorii kúshinde bolǵandyqtan, bul sheshim Konstitýtsiiaǵa tolyq sai keledi jáne Atazańǵa eshqandai ózgeris engizý qajet emes. Shyn máninde, elimizde ólim jazasy joq. Tek Konstitýtsiiada qarastyrylǵan eki ǵana bolmashy erekshelik bar. Olar fakýltativti hattamanyń talabyna tolyq sai keledi. Sondyqtan eki birdei mindet: elimizdiń ekonomikasyn jańa jaǵdaida damytý, Qazaqstan úshin tiimdi integratsiialyq protsesterdi kúsheitý jáne saiasi reformalardy júzege asyrý. Bul mindetterdiń bári bir ýaqytta atqarylady jáne tabysty bolady dep úmittenemin», – dedi Qasym-Jomart Toqaev.
Biznes ókilderi Joldaýda aitylǵan sharalarǵa oń baǵa berip, kásipkerlikke qoldaý kórsetkeni úshin Prezidentke alǵys bildirdi. Sonymen qatar olar tiri maldy eksportqa shyǵarýǵa jariialanǵan moratoriidi sozý jóninde Memleket basshysyna ótinish jasady.
