«Qazaqpyz ǵoi» dep jyrlap, ózin zamanaýi jyraý sanaityn Jan Ahmadiev Almatyda «qazaqtyqqa» jatpaityn áreketimen sózge qaldy, dep habarlaidy Baq.kz.
Videodan baiqaǵanymyzdai, ózgeniń aýlasyna turaqtaǵan kólik ishinde úsh jigit ainalasyna qoqys tastap, úi iesiniń ashýyn keltiredi.
Ádepsiz jigitterdiń áreketin beinekameraǵa túsirip, tártipke shaqyrmaq bolǵan azamat aqyry sońynda ózi soqqyǵa jyǵyla jazdady. Qalpaǵyn japyra kiip, jan-jaǵyna shyrt-shyrt túkirip otyrǵan jigit «Qazaqpyz ǵoi» dep jyrlap, qoǵamnyń kózaiymyna ainalǵan jas reper Jan Ahmadiev eken. Qasynda «Baqai» tobynyń múshesi bar.
Shemishkeni dalaǵa shaǵyp, ol az degendei, ishken sýsyndarynyń qalbyryn kóshege tastaǵan Jan Ahmadiev mádenietsiz áreketin moiyndamai, kerisinshe, bolǵan jaitty kameraǵa túsirgen jigitti beiádep sóz astyna aldy. Jergilikti turǵynnyń synyna ushyraǵan reper sóz kótere almai, oǵan, tipti, judyryq ala júgirdi.
Osy oqiǵanyń anyq-qanyǵyn bilý úshin Nur.kz tilshileri Jannyń ózine qońyraý shalǵan eken. Seri jigit oqiǵanyń eki apta buryn bolǵanyn aitty. Sóz arasynda shashqan qoqysyn jinap ketkenin aityp, aqtalýǵa tyrysty.
Sondai-aq ózin «mámbet» dep namysyna tigen jigittiń úiine baryp, máseleniń mán-jaiyn sol jerde tarqatatynyn jetkizdi.
Eskertý, videoda beiádep sózder bar!
