Mysyrda el astanasy Kairden soltústikke qarai ornalasqan Kaliýbiia provintsiiasynda poiyz relsten shyǵyp ketip, 100-den asa jolaýshy japa shekti. Bul týraly osy eldiń Al-Youm al-Sabia gazetinde basylǵan provintsiia biliginiń málimdemesinde aitylǵan, dep habarlaidy "Ult aqparat".
«Aldyn ala málimet boiynsha poiyz apatynyń saldarynan 103 jolaýshy japa shekti» delingen habarlamada.
Derekke sai, Kair - Mansýra baǵytynda jolǵa shyqqan poiyz Týh temirjol stantsiiasynan attanǵannan birneshe minýt ótken soń onyń vagondary relsten shyǵyp ketken. Oqiǵa ornyna japa shekken jolaýshylardy jergilikti aýrýhanalarǵa jetkizý úshin 20 jedel járdem kóligi barǵan.
Aita keteiik, naýryz aiynyń sońynda osy elde eki poiyzdyń soqtyǵysýy saldarynan 19 adam mert bolǵan edi jáne taǵy 185 jolaýshy jaraqat alǵan.
