© Sputnik / Abzal Kaliev
Energetika ministri Maǵzum Myrzaǵaliev suiytylǵan munai gazynyń naryǵyn elektrondy saýda alańyna kóshirý boiynsha aqparattyq-túsindirý jumystary qajetti deńgeide júrgizilmegenin moiyndady, dep habarlaidy QazAqparat.
«Bul joly men Jańaózende bolǵan joqpyn. Biraq buǵan deiin Jańaózende birneshe ret bolǵanmyn. Keshe vitse-ministr dereý sol jaqqa attandy. Ol sol jerde kezdesýler ótkizip, zaýyt basshylyǵymen, jeli ielerimen jumys istep jatyr. Men óz jaýapkershiligimdi sezinemin. Ondai jaýapkershilikti sezinbesem, Energetika ministri retinde qalai jumys istei alamyn? Aqparattyq-túsindirý jumystary qajetti deńgeide júrgizilmegen shyǵar» - dedi ministr.
Sondai-aq ol suiytylǵan gaz baǵasyn eltektrondy saýda alańyna shyǵarý reformasy 2018 jyly bastalǵanyn, birtindep yryqtandyrý úsh jyl kóleminde júrgenin atap ótti.
«Men bul ministrlikti basqarǵanyma 3,5 ai bolsa da, ózimniń jaýapkershiligimdi tolyqtai túsinip otyrmyn», - dedi vedomstvo basshysy.
