Ortalyq kommýnikatsiialar qyzmetinde ótken brifingide QR Energetika ministri Maǵzum Myrzaǵaliev Eýraziialyq ekonomikalyq odaq naryǵynyń Qazaqstandaǵy dizel baǵasyna qalai áser etip otyrǵanyn aitty, dep habarlaidy QazAqparat tilshisi.
«2025 jylǵa deiin Eýraziialyq ekonomikalyq odaqtaǵy kórshi eldermen salystyrǵanda janarmai baǵasynda aitarlyqtai aiyrmashylyq bolmaýǵa tiis. Úlken aiyrmashylyq bolsa, birden janar-jaǵarmai tapshylyǵy baiqalady. Oǵan biyl bolǵan faktiler dálel. Mysaly, tamyz, qyrkúiek ailarynda dizel tapshy boldy. Sol kezdegi dizeldiń kórshi elderdegi baǵasyna qarasaq, úlken aiyrmashylyq bolǵan», -dedi vedomstvo basshysy.
Atalmysh ustanymyn ol mynadai faktilermen túsindirdi.
«Sol kezde dizeldiń ortasha baǵasy elimiz boiynsha - 200 teńge bolsa, Ózbekstanda - 380 teńge, Resei Federatsiiasynda - 300 teńge, Qyrǵyzstanda - 320-330 teńge bolyp turdy. Tapshylyqty joiý maqsatynda 280 myń tonna dizel importtaldy (EAEO ózge elderine Qazaqstannan – red.). Árine, baǵasy da kóterildi. Qazir ortasha baǵa 245 teńge bolyp tur. Osyndai baǵa ornatqannan keiin eshqandai bir tapshylyq jáne kóleńkeli import (EAEO ózge elderine Qazaqstannan – red.) baiqalyp jatqan joq», - dedi ministr.
