Qazaqstandyq sportshylar adam janyna arasha túsip júrgen aq halatty abzal jandarǵa arnap video úndeý joldady, dep habarlaidy olympic.kz.
Qazirgi tańda bar álem koronavirýs indetimen kúresýde. Tosynnan kelgen indet kezinde meditsina qyzmetkerleri men dárigerler óz ómirlerin qaterge tigip, aldyńǵy shepte júr. Italiia jáne Resei bastaǵan álemdik aktsiiany otandyq sportshylar men Qazaqstan sportynyń ardagerleri de jalǵastyrdy. Olardyń qatarynda Olimpiada chempiondary men júldegerleri, álem chempiondar jáne olimpiadalyq sport túrlerinen iri halyqaralyq jarystardyń jeńimpazdary bar.
#teamKZwithYOU jobasyna elimizdegi sporttyq qoǵamdastyq atynan tómendegi sportshylar atsalysty: Aleksandr Vinokýrov (velosport), Olga Rypakova (jeńil atletika), Dmitrii Balandin (júzý), Eldos Smetov (dziýdo), Nurbaqyt Teńizbaev (grek-rim kúresi), Iýliia Galysheva (fristail-mogýl), Marina Volnova (boks), grek-rim kúresiniń ókilderi Ashat Dilmuhamedov pen Horlan Jaqansha, dziýdoshylar Jansai Smaǵulov pen Erlan Serikjanov, erkin kúres sheberi Álisher Erǵali, gimnast Nariman Kýrbanov, fristail-akrobatikadan komanda múshesi Janbota Aldabergenova, vaterpolshy Miras Áýbákirov, taekvondoshy Smaiyl Dúisebai, boksshylar Abylaihan Júsipov pen Qamshybek Qońqabaev, Jámila Baqbergenova (áielder kúresi), short-trekshi Abzal Ájiǵaliev, karateshi Sofia Berýltseva jáne apaly-sińlili Aleksandra jáne Ekaterina Nemichtar (ártistik júzý) bar. Sportshylar búginginiń batyry rekord ornatyp, álemdik tuǵyrda atoi salǵan ózderi emes, adamzatty qutqarý úshin bar kúshin jumsap jatqan dárigerler ekenin aityp, aq halatty jandarǵa alǵys bildirgen.
