Qazaq tiline dýbliajdalǵan Walt Disney-diń «Muzdy ólke-II» animatsiialyq filmi 28 qarashadan bastap kinoteatrlardan kórsetile bastaidy, dep habarlaidy «Ult aqparat».
Aita keteiik, «Walt Disney Animation Studios» jasaǵan «Muzdy ólke» tolyqmetrajdy animatsiialyq filmi 2013 jyly jaryqqa shyqqan. Onyń birinshi bólimi álemdegi eń kassalyq mýltfilm boldy: onyń qorynda 1,3 mlrd. dollar bar.
Kriss Bak pen Djennifer Li rejisserlik etken týyndy «Úzdik animatsiialyq film» jáne «Úzdik áýen» sanattary boiynsha «Oskar» júldesin iemdendi.
Osy oraida qazaq tilindegi filmderdi nasihattaý úshin «eriktiler toby» qurylǵanyn aita keteiik. Olar «Qazaqtildi kórermen sanyn arttyrý – Qazaqstannyń árbir azamatynyń jaýapkershiligi degen ustanymmen qazaqsha kinony kóretinderdiń sanyn arttyrýǵa jumys istemek. Osylaisha talai jyldan beri «kórermennen suranys joq» dep qazaq tilindegi filmderdi shetke ysyratyn prokat máselesin sheshýge úles qospaq. Eriktilerdiń qataryna jýrnalister, blogerler, áleýmettik jeli qoldanýshylar men qarapaiym turǵyndar da qosyla alady.
