Foto: primeminister.kz
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinnen Qazaqstandaǵy internet pen bailanystyń sapasy týraly taǵy da suraldy, - dep habarlaidy Tengrinews.kz saity.
"Biz ministrlik retinde birneshe reitingige súienemiz. Biraq reiting biz úshin de, qazaqstandyqtar úshin de mańyzdy emes. Bizge Qazaqstan aýmaǵynda usynylatyn bailanys sapasy mańyzdy. Men Qazaqstan azamaty retinde siz siiaqty internetti qoldanamyn. Mende jeke internet joq. Sondyqtan mende de qazaqstandyqtar sekildi bailanys sapasyna qatysty suraqtar týyndaidy", - dedi Mýsin Úkimet brifinginde.
TsDIAÓM basshysy Qazaqstandaǵy uialy bailanys jáne internet sapasy máselesin talqylaý úshin apta saiyn uialy bailanys operatorlarymen kezdesetinin aitty.
"Men operatorlarmen kezdesemin, biz bir saǵat boiy qansha bazalyq stantsiia ornatylǵany, qanshasyn jóndeý keregi, qansha aýystyrylǵany týraly talqylaimyz. Negizinde, biz, TsDIAÓM retinde, munymen ainalyspaýymyz kerek. Operatorlyq biznes - naryqtyq, onda árdaiym jeke "oiynshylar" bolady. Olar bir-birimen básekelesip, sapaly bailanys qyzmetin usynyp, tutynýshy úshin kúresýi kerek. Biraq qazir "Qazaqtelekom" qurylymynda eki uialy bailanys operatory bar", - dedi Mýsin.
Ministr operatordyń birin "Qazaqtelekomnan" shyǵarý týraly máselege bastamashy bolǵanyn aitty.
"Bailanys infraqurylymy durys damyp, sapa bolýy úshin, básekege qabiletti naryq damýy úshin (operatordyń birin shyǵarý kerek- esk.). Qazir bul jumysty "Samuryq-Qazyna" júrgizip jatyr, Premer-ministr naqty mindet qoidy. Bailanys naryǵy - bul bir sátte nátije bere alatyn dúnie emes. Barlyq jumys josparly túrde júrgiziledi. Meniń oiymsha, jyldyń aiaǵyna qarai qazaqstandyqtar, sonyń ishinde siz ben biz, operatormen birlesip júrgizgen jumystyń nátijesin kóremiz. Biraq bailanys sapasy - aqsha úshin bailanys qyzmetin usynatyn operatordyń jaýapkershiligi", - dep málimdedi Mýsin.
Jýrnalister ministrden Tokio men Astanadaǵy internet sapasyn salystyrǵany týraly taǵy da surady.
"Qazaqstandyqtar joǵary sapaly internetke laiyq. Biraq qazir bailanys sapasy nashar dep aita almaimyn, degenmen birlesip sheshetin máseleler bar. Men halyqaralyq agenttikterdiń analitikalyq esepteýlerine qatysty aita almaimyn, reitiingini qurmaimyn. Men Tokioda bolǵan joqpyn, salystyra almaimyn, biraq taǵy da aitaiyn, eger Qazaqstan men Tokionyń turmysy orta turǵyndaryn salystyratyn bolsaq, onda biz meniń paiymdaýyma emes, qandai da bir halyqaralyq zertteýge súienýimiz kerek", - dep qorytyndylady Mýsin.
