Brent markaly munaidyń quny barreline 100 dollardan tómendedi, dep habarlaidy Ulysmedia.kz.
ICE málimetteri boiynsha, 10:30-da qyrkúiek fiýchersteri barreline 7,2%-ǵa deiin quldyrap, 99,37 dollarǵa jetti. Bul – 2022 jylǵy naýryz aiynyń basynan bergi eń tómengi kórsetkish.
OPEK-tiń ai saiynǵy esebinde 2023 jyly munaiǵa suranys táýligine 2,7 million barrelge deiin tómendeitini boljanyp otyr. 2022 jyly boljam táýligine 3,4 mln barrel deńgeiinde qaldy.
2023 jyly munaiǵa degen suranys negizgi tutynýshy elderdegi turaqty ekonomikalyq kórsetkishtermen, sondai-aq geosaiasi oqiǵalardyń jaqsarýymen jáne Qytaidaǵy COVID-19 taralýyn boldyrmaýmen qamtamasyz etiledi dep kútilýde.
OPEK-ke kirmeitin elderdegi óndiris biyl kúnine 2,15 million barrelge artýy múmkin. Al 2023 jyly – kúnine 1,71 million barrel.
Al Qazaqstanda munai óndirý táýligine 120 myń barrelge artyp, 1,95 mln barrelge jetedi dep kútilip otyr.
