QR Eńbek jáne halyqty áleýmettik qorǵaý ministri Birjan Nurymbetov múmkindigi shekteýli jandardy jumyspen qamtý boiynsha engizilgen ózgerister týraly aitty, dep habarlaidy "Ult aqparat".
«Jańa jyldan bastap barlyq jerde múmkindigi shekteýli jandardy memlekettik organdarǵa jumysqa ornalastyrýdy bastaimyz. Osy oraida, olardy basshylyq laýazymdarǵa taǵaiyndalýyna ekpin qoiylady», - dedi ministri Senatta tilshiler saýalyna jaýap bere otyryp.
Ministr múgedektigi bar bilikti mamandar departament basshysy, basqarma basshysy sekildi qyzmetterge taǵaiyndalatynyn atap ótti.
«Atap aitqanda, buryn qurylysta jumys istegen múmkindigi shekteýli adamdar bar, iaǵni onyń jinaǵan tájiribesi men biliktiligin paidalaný kerek. Sondyqtan osy azamattar qurylys salasyndaǵy tiisti vedomstvoda basshylyq laýazymdardy atqara alady. Biz el azamattaryn ekonomikalyq belsendilikke tartý boiynsha mundai keshendi sharalardy usynýdamyz», - dedi B. Nurymbetov.
