Áleýmettik jelilerde QR Parlament Májilisiniń depýtaty Muhtar Tinikeevke uqsaityn adamnyń Qaraǵandy qalalyq máslihatynyń depýtaty Nikolai Polevoidy uryp, túsiniksiz bir jaýap talap etip jatqan video jariialandy, dep habarlaidy "Ult aqparat".
Bul videonyń qai kúni, qai jerde túsirilgeni týraly naqty aqparat joq. Tek beinekórinistiń beiresmi otyrys kezinde túsirilgeni baiqalyp tur. Araq-sharapqa toly dastarhan basynda eki er azamat sózge kelip, óz arasyndaǵy áńgimeni sheship jatyr.
Májilis depýtatyna uqsas azamat Qaraǵandy máslihatynyń depýtaty Nikolai Polevoiǵa uqsaityn er adamdy jaǵynan uryp, birnársege renish bildirip jatyr. Videoda beiádep sózder óte kóp. «Shyǵasyń ba? Shyqpaisyń ba?» degen sózder de anyq estilip tur.
Al, soqqy alǵan er adam aqshasy joq ekenin aityp aqtalýda. Budan keiin halyq qalaýlysy Nikolai Polevoi: «Muhtar Bákiruly men depýtat qyldy. Ol meni osy biikke kóterdi. Men eshqashan seni satqan emespin, men saǵan eshqashan qastandyq jasamaimyn», - deidi.
Ázirge depýtat Muhtar Tinikeev atalmysh videoǵa qatysty eshqandai málimdeme jasaǵan joq, pikir de bildirmedi.
ESKERTÝ: Videoda beiádep sózder bar!!!
