"Bizdiń komissiiamyzdyń jumysy jemisti boldy dep esepteimin. Úsh aidyń ishinde osyndai sheshimge keldik. Jasyratyny joq, bul usynysty bizde talqyladyq. Menińshe, mundai sheshim búgin qabyldansa, onda halyqtyń kóńilinen shyǵady. Sebebi, bes jyl jer eshkimge satylmaidy, sheteldikterge jalǵa berilmeidi. Halyqtyń qalaýy sol boldy. Al bes jyldan keiin taǵy da biz aman bolsaq, el bolamyz, taǵy da qarastyrýǵa bolady", - deidi M.Taijan
Onyń aitýynsha, komissiia osy úsh aidyń ishinde az jumys atqarǵan joq. Birqatar, asa mańyzdy sheshimder qabyldanǵan. Áli de birqatar máselelerdiń basy ashyq.
«Komissiia bes jyl jumys istei almaidy, biraq jumysshy top pa, basqa bir sheshim qabyldaýymyz kerek. Parlamenttiń ishinde bul usynystardy túsindirý, kerek bolsa qorǵaý úshin jumysty top qurýymyz kerek. Tóraǵa aityp ketkendei, úsh aidyń ishinde latifýndizmge qarsy, jaiylym jer týraly, basqa da durys sheshimderdi qabyldadyq» - dedi Jer reformasy jónindegi komissiianyń quqyqtyq tobynyń jetekshisi M.Taijan.
Sondai aq, M.Taijan jerin sheksiz súietin el men Elbasyǵa úlken alǵys bildirdi.
«Meniń oiymsha, birinshiden, patriottyq kórsetken halyqqa rahmet aitýymyz kerek. Ekinshiden, Prezidentke alǵys aitý kerek. Óitkeni halyqtyń pikirin estip, túsinip, moratorii jariialap, komissiia qurdy. Ol da óte oryndy sheshim boldy. Úshinshiden, komissiia múshelerine rahmet aitamyn»,-dedi M.Taijan.
