Image: picture-alliance/dpa/imageBROKER
Almaty qalasynyń áýejaiynda Qazaqstanǵa óz erkimen oralǵan Muhtar Ábliazovtyń sybailasy ári aǵasy Nurǵazin Qýanysh ustaldy, dep habarlaidy "Ult aqparat" Bas prokýratýranyń baspasóz qyzmetine silteme jasap.
Ol - Ábliazov basqaratyn «BSC» JShS-nyń nominaldy direktory. Ábliazov jáne onyń sybailastary osy kompaniiany zańsyz nesielendirý arqyly BTA Bankten asa iri kólemde qarajat jymqyrǵan.
Nurǵazin sottalýshy bola tura, eshqaida ketpeý týraly mindettemesin buza otyryp, qylmystyq jaýapkershilikten jaltarý maqsatynda sottan jasyrynǵan.
12 jyl boiy Litva aýmaǵynda jasyrynyp, sol jerde bosqyn mártebesin alǵan.
"Nurǵazin Qazaqstanǵa óz erkimen oralýǵa niet bildirdi. Ol 2023 jyldyń 24 shildesinde pasporttyq baqylaýdan ótkennen keiin ustalyp, ýaqytsha ustaý izoliatoryna qamaldy.
Sottalýshynyń ótinishi boiynsha, onyń jasy men densaýlyq jaǵdaiyn eskere otyryp, 25 shildede sot bultartpaý sharasyn úiqamaqqa alý dep ózgertti.
Jaqyn arada negizgi sot talqylaýy qaita bastalady. Onyń jaýapkershiliginiń kólemin sot aiqyndaidy" - delingen vedomstvo habarlamasynda.
